Дуучин Д.Болдыг Төрийн ордонд "Монгол поп” урсгалынхаа нээлтийг сүртэйхэн хийж зарим нэгний атаат сэтгэлийг хөдөлгөсөн. Тэр цагаас хойш Д.Болдыг гавьяат болох нь гэсэн яриа ам дамжин урлагийн хүрээнд хөврөх болжээ. Улмаар энэ наадмаар уу, эсвэл ирэх цагаан сараар уу гэдэг дээр хүмүүс мөрийцөж байсан гэнэ. Эх сурвалжийн мэдээлж байгаагаар тэрээр Үндэсний их баяр наадмаар Монгол Улсын гавьяат жүжигчин цолоор энгэрээ мялаах нь тодорхой болсон аж. Дашрамд дурдахад, Монгол Улсын гавьяат жүжигчин Т.Ариунаа, Б.Сарантуяа нар өмнө нь Төрийн ордонд тоглолт хийх хүсэлтээ гаргаж байсан ч Ерөнхийлөгч Ц.Элбэгдорж фенийн хувьд дуучин Д.Болдод зөвшөөрөл олгосон гэсэн "бор шувуу” нисч явна. Учир нь Ерөнхийлөгч бээр Д.Болдыг хүсэлт гаргав уу, үгүй юу Төрийн ордонд тоглолт хийхийг зөвшөөрсөн нь ийнхүү хардахад хүргэжээ.